НОВ ШАМАР: Катар како изолиран остров

Добивај вести на Viber

Тајванската поморска логистичка компанија Евергрин и хонгконгшката OOCL го суспендираа бродскиот транспорт кон Катар, извести Ројтерс.

Тоа, како што оценува британската агенција е најнов знак на тровски протисок на таа земја, откако неколку арапски земји оваа недела ги прекинаа дипломатските врски со Доха.

Тајванскиот Евергрин, шестата најголема компанија на светот за контејнерски превоз соопшти дека „во светло на блокадата на Катар, го суспендирала бродскиот транспот за понатаму“.

Истовремено OOCL, седмата најголема бродска компанија на светот, наведува дека „како одговор на политичката клима во регионот, ги суспендирала своите активности кон и од Катар до понатаму“.

Најголемата бродарска компанија на светот, Мерск, во вторникот соопшти дека не била во состојба да превезе услуги до и од Катар поради невозможноста на префрлување на товарот преку пристаништето Џабел Али во Обединетите Арапски Емирати.

Неколку блискоисточни држави, вклучувајќи ја и Саудиска Арабија, Египет, и Обединетите Арапски Емирати, во понеделникот ги прекинаа дипломатските врски со Катар, обвинувајќи ја таа земја дека поддржува тероризам.