29 Март, 2024
0.0267

НОВ СИЛЕН ИГРАЧ ВО НАЈАВА - Големи прегрупирања на банкарската сцена

Објавено во: Финансии 12 Ноември, 2019

Добивај вести на Viber

Окрупнувањето во банкарскиот сектор, кое монетарните власти, но и меѓународните финанскиски институции го бараа долги години наназад, конечно станува реалност во земјава. Во моментов во земјава функционираат 15 банки, што според познавачите, е преголем број за македонскиот пазар.

Минатата недела беше објавена веста за големо банкарско обединување – меѓу Шпаркасе и Охридска банка, откако австриските газди на Шпаркасе ја купија Охридска банка. Официјалното спојување на двете банки ќе се случи во вториот квартал на 2021 година, а дотогаш ќе функционираат двете банки, со тоа што Охридска веќе го носи брендот на Шпаркасе.

Што ова ќе донесе и како новата банка ќе се позиционира на банкарската сцена. Несомнено дека ќе значи голема промена во силината на „играчите“, бидејќи таа тогаш ќе стане четврта најголема банка во земјава.

Фактор, користејќи ги последните објавени податоци на Народна банка на Македонија, направи анализа за моќта на банкарските брендови, според големината на нивната актива. Работите стојат вака – на крајот на првото полугодие во земјава функционираат пет големи банки, чија актива е потешка од 565,85 милиони евра, потоа седум средни банки, со актива меѓу 140,65 милиони и 565,85 милиони евра, како и три мали банки, чија актива е пониска од 140,65 милиони евра.

Најголема банка во земјава сега е Комерцијална банка, говорат податоците на централната банка. Овој македонски банкарски џин тежи 1,86 милијарди евра, со што е на првата позиција. Во врат и дише Стопанска банка Скопје, која со актива од 1,53 милијарди евра е на втората позиција. Традиционално, пак, третото место е резервирано за НЛБ банка, чија актива изнесува 1,35 милијарди евра. На четврто место, според бројките на НБМ сега е Халк банка - нејзината актива е 834 милиони евра. Петта, пак, е Охридска банка, со актива вредна над 672 милиони евра. Оваа банка се досега беше во сопственост на француската групација Сосиете женерал.

Шестата позиција, со која почнуваат средните банки, ја држи Прокредит банка, со актива од 468 милиони евра. На седмо место во моментов се наоѓа Шпаркасе банка, чија актива тежи 371 милиони евра.

Овие бројки значат дека доколку се спојат двете активи на Охридска и Шпаркасе банка, новата банка би имала актива која ќе надмине една милијарда евра, или конкретно, ќе тежи 1,043 милијарди евра. Со тоа, таа ќе избие на четвртата позиција според големината, и ќе држи 14 отсто од банкарскиот пазар.

Од Народна банка на Македонија велат дека радува што ваков значаен бренд како Штаермеркише ја засилува својата инвестиција во земјава, особено во време кога голем дел од банките го напуштаат регионот. Тоа треба да ја зајакне стабилноста на нашиот банкарски систем.

„Радува и е особено значајно што во услови кога дел од големите банкарски групи го напуштаат регионот, една од групите од таков формат пројави сериозен интерес за натамошно поголемо инвестирање во нашиот банкарски систем, што се очекува дека ќе влијае на натамошно зајакнување на системот и на неговата стабилност, како и на обезбедувањето уште поголема кредитна поддршка и за корпоративниот сектор, и за населението, а преку тоа и поддршка на економскиот раст во нашата земја“, велат за Фактор од централната банка.

Во изминатиот период, додаваат, во повеќе наврати го соопштиле нивниот позитивен став за потребата од окрупнување на нашиот банкарски систем.

„Тоа би значело и ефективно натамошно зголемување на конкуренцијата, кое очекуваме дека би довело до подобри услови за корпоративниот сектор и за населението како корисници на банкарските услуги и производи, како и до проширување на лепезата производи што ги нудат банките, а под конкурентни услови“, потенцираат од Народна банка на Македонија.

Инаку, купувањето на Охридска банка од Шпаркасе, беше најавен како еден од најзначајните настани во историјата на банкарството. „Со стекнување на 91,57 отсто од акциите, Штаермеркише Шпаркасе стана не само најголем давател на финансиски услуги во јужниот дел на Австрија, туку и четврта најголема банкарска групација во Северна Македонија, со пазарно учество од околу 14 отсто. Двете банки, Охридска банка и Шпаркасе Банка Македонија, сега ќе опслужуваат повеќе од 132.000 клиенти во земјата“, велат од Штаермеркише.

А пред околу месец и половина гигантот Комерцијална банка објави дека ја разгледува можноста да ја купи банката на познатиот скопски бизнисмен, Трифун Костовски, Еуростандард банка, која влегува во групата на средни банки. Сепак, од Комерцијална банка тогаш рекоа дека ова не мора да значи дека зделката со сигурност ќе се реализира. Засега нема новини на повидок, откако беше обелоденета оваа намера, а она што е јасно е дека во случај на постигнување согласност помеѓу двете банки, ќе биде потребно да се побара согласност од страна на Народната банка.

Кои се другите банкарски играчи на пазарот?

Осмата позиција е резервирана за УНИ банка, со актива од околу 343 милиони евра. По неа, на деветтото место, е Стопанска банка Битола, чија актива е околу 194 милиони евра. Со актива, пак, од 187 милиони евра, Еуростандард банка е на десеттата позиција. А единаесетта е Развојната банка на Република Северна Македонија, чија актива тежи 159 милиони евра. Веднаш зад неа, со актива од 154 милиони евра, е ЦКБ банката.

И потоа следуваат трите мали банки, и тоа на тринаесеттата позиција е ТТК банка, со актива од близу 134 милиони евра. Четиринаесетта, пак, е  Силк Роуд банката, чии капитал тежи близу 110 милиони евра, а на петнаесеттата позиција се наоѓа Капитал банка, со актива од околу 41 милиони евра.

Нина Нинеска-Фиданоска

Можеби ќе ве интересира

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Народната банка и гувернерката Ангеловска-Бежоска избрани од ЕБОР за водачи на проектот за женско претприемаштво во нашата земја

Потрошувачки кредит на вашата сметка, додека уживате во топло кафе

Потрошувачки кредит на вашата сметка, додека уживате во топло кафе

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

БЕРЗИТЕ ИМАЛЕ ПОДОБРИ ДЕНОВИ: Намалување на индексите на Волстрит, S&P 500 во загуба трет ден по ред

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

ЗАМИНУВАЊЕТО НА ШЕФОВИТЕ ПОЗИТИВЕН СИГНАЛ ЗА ИНВЕСТИТОРИТЕ - Акциите на Боинг растат по промената на раководството на компанијата

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

СЕ ОГЛАСИ КОМЕРЦИЈАЛНА ПО ПРОДАЖБАТА НА ИМОТОТ НА ЕУРОНИКЕЛ - остануваме посветени да се наплатат доверителите и вработените, должниците веднаш да си ги платат обврските

Доларот зајакна по најавата за намалување на каматните стапки

Доларот зајакна по најавата за намалување на каматните стапки

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

ПОМАЛИ ТРОШОЦИ ЗА ПРЕКУГРАНИЧНИ ТРАНСАКЦИИ СО ПРИСТАП КОН СЕПА - со законски измени до побрз пристап

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КИНЕСКОТО ЧУДОВИШТЕ ЗА ОНЛАЈН ШОПИНГ СТАНУВА СЕ ПОГОЛЕМО:„Амазон е на стероиди!“

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка

КОЈ ПЛАТИ 753 ИЛЈАДИ ЕВРА ЗА АКЦИИ НА СТОПАНСКА БИТОЛА ВО ЕДЕН ДЕН - има ли ова поврзаност со најавеното припојување кон Комерцијална банка