НОВ СКОК НА ЦЕНИТЕ: Од денес точиме горива поскапо
Објавено во: Економија 18 Јануари, 2022
На вчерашната седница РКЕ одлучи во следните седум дена да точиме горива поскапо.
Согласно одлуката бензините забележаа скок на цената од 1 денар, додека дизелот од денес на бензинските станици ширум државата ќе се продава денар и половина поскапо.
Тоа значи дека оние кои возат автомобили на бензини - Еуросупер БС-95 ќе точат по цена од 76,5 денари, а Еуросупер БС-98 по цена од 78,5 денари.
Од друга страна, дизелашите ќе плаќаат 69 денари за литар.