НОВ ЗАКОН ГИ „ДЕРЕ“ ВОЗАЧИТЕ ВО ГРЦИЈА: 1500 евра казна ќе добиете за овој прекршок!
Објавено во: Балкан 06 Август, 2019
Возачите на такси, автобус или некое друго превозно средство во Грција, а кои пушат додека се на работа, ќе бидат казнети со 1500 евра и одземање на дозволата на месец дена.
Тоа го предвидува новиот закон за сообраќајни прописи, пренесе денеска Катимерини.
Во истовреме, доколку во возилото се наоѓа дете до 12 години возраст, казната ќе изнесува двојно повеќе односно 3000 евра.
И возачите на приватни автомобили, кои пушат додека ги возат своите деца до 12 години ќе бидат казнети со 1500 евра и одземање на дозволата.
Како што се наведува, возачите истата казна ќе ја платат и доколку во нивните автомобили седи пушач.