Нов земјотрес го погоди Авганистан и однесе пет жртви
Објавено во: Свет 24 Јуни, 2022
Нов земјотрес и нови жртви во источен Авганистан. Пет луѓе денеска загинаа во земјотресот кој ја погоди земјата.
На интернет страницата на Американскиот геолошки завод (USGS) е објавено дека земјотресот со јачина 4,3 степени е регистриран во близина на границата со Пакистан во петокот во 3,43 часот по средноевропско време.
„Утрово се случи уште еден потрес во Пактика во округот Гајан, според првите информации .. пет лица загинале“, рекол за Reuters портпаролот на авганистанското министерство за здравство, Шарафат Заман.
Во средата во земјотрес со јачина од 6.1 степени загинаа 1.150 луѓе. Повредени се уште околу 2.000 лица, а 10.000 куќи се делумно или целосно уништени. Агенции на ОН итно испратија тони хуманитарна помош во Авганистан.
Силен земјотрес со јачина од 6,1 степени, ги погоди Пакистан и Авганистан и во 2018 година.