Нова лидерска, на старо место, напладне
Објавено во: Македонија 19 Јули, 2018
Премиерот и лидер на СДСМ објави дека прашањето на референдумот кој би требало да се одржи наесен да гласи : „Дали сте за членство во ЕУ и НАТО, со прифаќање на договорот на Република Македонија и Република Грција?
Ова прашање како можна опција е разгледувано на синоќешната средба во текот на четиричасовниот состанок на лидерите на партиите одржан во Клубот на пратеници.
Токму на истото место денеска напладне повторно ќе има лидерска средба.
Денешната средба произлегува од барањата на опозицискиот лидер Христијан Мицкоски кој не седеше на целата вчера одржана средба.
„Сите ние кои останавме на лидерскиот состанок сме за успешен референдум (за договорот за името со Грција) , а односот кој (лидерот на ВМРО ДПМНЕ) го демонстрираше во име на ВМРО ДПМНЕ е несериозен, неодговорен и ги навредува сите политички субјекти и граѓани на Македонија“, кажа Заев.
12 часот е терминот кој го закажа премиерот за нова средба а по барање на Мицкоски, на состанокот ќе присуствуваат само четирите големи партии.