Новак: Половина од клиентите на „Гаспром“ отворија сметка за плаќање во рубљи
Објавено во: Финансии 19 Мај, 2022
Рускиот вицепремиер, Александар Новак изјави дека половина од купувачите на природен гас од „Гаспром“ отвориле сметка во „Гаспромбанк“ за плаќања во рубљи.
Во своето обраќање во Москва, Новак го коментираше „системот за плаќање на природен гас во рубљи“, кој го воведе Русија, но предизвикува контроверзии во Европа, пренесува порталот „Н1“.
- Има 54 големи, средни и мали компании кои имаат договори со Гаспром експорт. Колку што знам, половина од овие клиенти отворија сметка во рубљи. Конечниот список на оние кои прифаќаат и не прифаќаат плаќања во рубљи ќе биде познат во наредните денови - изјави вицепремиерот на Русија.
Новак истакна дека морале да се префрлат на системот на плаќање на природен гас во рубљи за да се обезбедат приходи од извоз.
На 1 април, Русија донесе декрет со кој се предвидува дека земјите „непријатели“ треба да отворат сметки во „Гаспромбанк“ и да ги плаќаат своите нарачки во рубљи.
Зборувајќи за односите меѓу Русија и западните земји во енергетскиот сектор, тој посочи дека гасоводот Северен тек 2 е замрзнат од политички причини.
- Мислам дека нема да профункционира во блиска иднина поради овие политички причини. Сепак, на европските потрошувачи им требаат евтини извори на енергија со ниска содржина на јаглерод, вклучително и природен гас. Мислам дека ќе има побарувачка за овој проект во иднина - изјави Новак.
Тој рече дека руското производство на нафта е намалено за еден милион барели дневно во април.
- Но, во мај го зголемивме производството за 200 до 300 илјади барели дневно“ – објасни Новак, и истакнал дека американското производство на нафта се очекува да се зголеми за еден милион барели дневно оваа година, но дека ова зголемување е помало отколку во минатото.
„Гаспром“ ја прекина испораката на гас за Полска и Бугарија кон крајот на април, откако двете земји одбија да платат во рубљи.
Италијанскиот енергетски гигант „Ени“ во средата објави дека процесот на отворање сметка во „Гаспромбанк“ е започнат без промена на актуелните договори. Од „Ени“ наведуваат дека тоа го направила на еднострано барање на „Гаспром“ и во согласност со процедурата за плаќање гас воспоставена од Руската Федерација.
Можеби ќе ве интересира
БЕРЗИТЕ СО ГОЛЕМИ ЗАГУБИ - индексот S&P 500 падна петти ден по ред
МАКЕДОНЦИТЕ ВО ГЕРМАНИЈА НА ГОЛЕМИ МАКИ – најевтина кирија е 1.000 евра, во големите градови уште поскапо
„Доколку не се остварат ризиците, олабавување на монетарната политика во втората половина од годинава“: гувернерката Ангеловска-Бежоска за ВОА
ПОИСПЛАТЛИВО ИМ Е ДА ЖИВЕАТ ВО ХОТЕЛ, ОТКОЛКУ ВО СТАН ПОД КИРИЈА: Неверојатни цени на киријата во Швајцарија
НА ЕДНА ПЛАНИНА ВО СОСЕДСТВОТО ИМА ЗЛАТО ЗА ПОЛА ЕВРОПА: Стрикленд Металс влезе во „профитабилната српска игра за злато“
ЗА 100 ИНВЕСТИРАНИ МНОГУ БРЗО ДОБИВАТЕ 10.000 евра: Криптовалутите станаа најбезбедна инвестиција, а пазарот покажува раст на цените
Генерали Инвестментс: Централните банки ги држат пазарите на капитал во неизвесност
„ВО ХРВАТСКА СЕ СЀ НАПЛАЌА, ДУРИ И ТУШОТ НА ПЛАЖА“: Сместувањето рипна на 90 евра од ноќевање, сезоната се уште не е започната, а многумина предвидуваат пропаст
ГОТОВО Е: Познат е датумот кога ќе заврши „копањето“ на биткоин
