НОВИ 246 ЗАБОЛЕНИ: Пријавени уште шест починати, тројца во последното деноноќие

Добивај вести на Viber

Во последните 24 часа направени се 4.072 тестирања, а регистрирани се 246 нови случаи на КОВИД-19, информира Министерството за здравство. Од новозаболените од Скопје се 145, Струмица – 16, Прилеп – 14, Штип, Охрид и Битола – по 12, Кавадарци – 10, Неготино – 4, Струга, Гевгелија и Куманово – по 3, Велес и Ресен – по 2, Кичево, Гостивар, Валандово, Радовиш, Тетово, Демир Хисар, Кратово и Македонски Брод – по 1.

Регистрирани сe 547 оздравени пациенти, а во текот на изминатите 24 часа регистрирани се 3 починати лица:  2 починати лица од Скопје (63г  и 86г), и едно починато лице од Струмица (53г). Пријавените лица се починати во болнички услови.

Согласно Регистарот на умрени лица со дијагноза КОВИД-19 од Мој Термин, пријавени се 3 починати лица, по едно лице од Скопје (86г), Тетово (78г) и од Кичево (68г). Од пријавените лица, 2 од нив се починати во болнички, а едно лице во домашни услови.

Досега во земјата се направени вкупно 1.608.232 тестирања на Ковид-19. Вкупната бројка на КОВИД-дијагностицирани лица во нашата земја од почетокот на епидемијата изнесува 225.730, бројот на оздравени пациенти е 212.927, на починати е 7.975, а бројот на активни случаи изнесува 4.828.