НОВИ ДОЈАВИ ЗА БОМБИ ВО СРЕДНИТЕ УЧИЛИШТА ВО СКОПЈЕ, заканите никако да престанат
Објавено во: Македонија 07 Декември, 2022
Утрово до дел од скопските средни училишта повторно пристигнаа дојави за поставени бомби.
Засега до редакцијата на „Фактор“ стигнаа информации дека има дојави за бомби во две средни учичита, Раде Јовчевски Корчагин и Јоси Броз Тито.
Дел од учениците ги напуштаат училитата, друг дел веќе се заминати, и во тек се антитерористички проверки.
На терен пристигнуваат екипи на полицијата за проверка.
Изминатиов период имаше повеќе пријави за поставени бомби во средните училишта во Скопје. Потоа пријавите се проширија, па имаше дојави за поставена бомба и во основно училиште во Крива Паланка, иако вакви закани во изминатиот период беа вообичаени исклучиво само за главниот град.
Инаку досега сите дојави за бомби беа лажни и истите до училитата пристигнуваат по електронски пат.
Како што веќе е познато во јавноста, малолетник инспириран од претходни објави за поставени бомби во неколку средни училиштата на територијата на град Скопје, и самиот пристапил кон испаќање мејлови со заканувачки пораки, и истиот беше уапсен од полицијата.