Нови „крвави пакети“ стигнаа во две украински амбасади
Објавено во: Свет 06 Декември, 2022
„Крвави пакети“ пристигнале во украинските амбасади во Данска и Романија. Информацијата ја потврди шефот на украинската дипломатија, Дмитро Кулеба.
Ова не е првпат. Украинските амбасади во неколку европски држави на крајот на минатата недела добија пакети со животински очи. Никој не презеде одговорност за испраќањето на пакетите.
Минатата недела во Амбасадата на Украина во шпанската престолнина Мадрид стигнало писмо-бомба. Слични експлозивни писма се испратени и до други институции во Шпанија, вклучително и амбасадата на САД, Министерството за одбрана и компанија за оружје што произведува ракетни фрлачи, донирани на Украина.