Новинарка која ја критикувала руската војска заврши во психијатриска болница
Објавено во: Свет 04 Јули, 2022
Руска новинарка е однесена во психијатриска болница бидејќи ја дискредитирала руската војска.
Новинарката Марија Пономаренко која во април е приведена во рускиот град Санкт Петербург под обвинение за дискредитација на руските вооружени сили во објавите на социјалните мрежи, е префрлена во сибирска психијатриска болница. Веста ја потврди нејзиниот адвокат Сергеј Подолски. Тој изјави дека Марија Пономаренко 28 дена ќе биде под опсервација во Клиничката психолошка болница Алтај, пренесе Радио Слободна Европа.
Пономаренко, која живее и работи во градот Барнаул во регионот Алтај и е мајка на две мали деца, е префрлена од Санкт Петербург во Барнаул на крајот на минатиот месец. Пономаренко се соочува со 10 години затвор за објава на Телеграм за руското бомбардирање на театар во украинскиот град Мариупол. Рускиот закон усвоен во март го криминализира ширењето на „лажни“ извештаи кои „ги дискредитираат вооружените сили“.
Откако почна војната во Украина, во Русија имаше случаи новинари да си дадат отказ и да заминат од Русија. Дел од европските земји се понудија да им дадат азил.
фото Твитер