Новинарка со потекло од БиХ предизвика бура со колумна во која кажува зошто ја мрази Австрија
Објавено во: Балкан 30 Јули, 2019
Александра Станиќ, уредничка на порталот Вајс во Австрија предизвика реакции откако напиша колумна на тема „Зошто ја мразам Австрија“.
Таа со аргументи објасни дека има ксенофобија и зошто никогаш оваа земја не ја гледала како своја татковина.
Родена е во Австрија, но нејзините родители се со потекло од БиХ.
Во колумната Станиќ го покажа своето незадоволство од австриската политика и го критикуваше „прекумерниот патриотизам“.
„Драги Австријци, со ништо не придонесовте да се чувствувам како Австријка. Овде сум родена, но и покрај тоа оваа земја никогаш нема да ја наречам татковина. Австрија е земја во која мојата пријателка од младоста Н, престана да биде моја пријателка, затоа што нејзината мајка не сака детето да си игра со „дете на странци“, пишува таа.
Наведува дека Австрија прави раздор меѓу населението, затоа што странските се на една, а домашното население на друга страна.
Раскажува дека на свои 12 години Австриец потенцирал дека без разлика колку добро ќе говори германски јазик, никогаш нема да биде Австријка.