Новиот директор на „Национални шуми“: Претпријатието не произведувало поради блокирана сметка

Добивај вести на Viber

Здравко Трајанов, новиот директор на „Национални шуми“, во денешното интервју за РСЕ рече дека јавното претпријатие поради блокираната сметка заглавило уште повеќе финансиски. и не може да се одржува со самофинансирачки буџет.

„Зашто сме доведени во оваква ситуација? Тоа треба да го одговорат властодавците од предходната власт. Тие дозволиле ваква ситуација Јавното претпријатие кое ступенисува со еден од најважните ресурси во државата, а тоа е дрвото. Прашањето е, зошто претходната власт, знајки го значењето на ова претпријатие, дозволило да биде со блокирана сметка. Блокираната сметка, предизвикала домино ефект: Неисплатени плати, неисплатени даноци, но и многу опасно немање на производство. Ова претпријатие се финансира од својата дејност и своите дејности. Тука доминантно е производството на сортименти од дрво.

Во таква ситуација претпријатието е блокирано и доведено во ситуација да на шести месец, наместо да имаме 350 000 м3 производство, претпријатието има одвај 90.000 метри кубни производство. Значи, еден проблем е загубите, втор проблем е уништеното производство. Останати проблеми кои се наталожени на предходните два, е тотална деморализација на работниците, штрајкови и ситуација да буквално шумата биде оставена на милост и немилост. Во таква ситуација сосема се логички обвинувањата дека овде се работило недомакински. Затоа што не може и не смее дрвото како ресурс, како категорија која е внесена во Уставот на Република Македонија да биде оставено вакан на стихија, на милост и немилост на сите криминалци кои харат околу шумарството во Македонија“, рече професорот. по шумарски науки и поранешен пратеник на едно од прашањата.

Трајанов додаде дека едвај успеале во тоа Макпетрол, ЕВН и Телеком да не им ја откажат соработката, а додаде и дека сите последновработени работници, иако вработени како дрвосечачи, добиле „задача“ во канцеларија како администратори.

- Во ситуација кога претпријатието било во катастрофална состајба, менеџментот од предходниот состав се ставил во функција на политиката, наместо во функција на претпријатието. Последните огласи за вработување, условно се огласи за вработување на сечачи, дотурачи, редачи на дрво и тоа околу 400 луѓе: еден оглас е за 320, другиот е за 40. Што се случува? На име на сечачи се примаат партиски структури. За само неколку дена, сите тие луѓе кои се примани како сечачи, со искучок на двојца, тројца во целата држава, добиваат работни налози да бидат во администрација. И сега, имаме ситуација кога на хартија ние имаме условно 320 сечачи, меѓутоа во пракса тоа се вработени луѓе кои се вгнездени во администрација. И сега имаме проблем со тие луѓе. Не сакат да се ги извршуват своите работни задачи. Прифатиле да бидат сечачи, еден дел дури е трагично изманипулиран. Таму се вработени шумарски инженери, шумарски техничари, се понижени да бидат учесници на тој конкурс, само и само да добијат вработување на неопределено време, вели Трајанов.

Директорот додаде дека од 80 до 140 вработени од претпријатието на дневна основа помагаат во гасењето на пожарите.