НОВО ВИДЕО ОД БЕГАЛЕЦОТ: Груевски слободно се шета низ трговски во Будимпешта
Објавено во: Македонија 21 Јануари, 2019
Екс премиерот кој во моментов е во Будимпшета каде доби политички азил а од државата избега пред скоро два месеци, слободно си се шета низ трговските центри.
Унгарските медиуми денеска објавија ново видеото на кое се забележува дека Груевски се шета како слободен граѓанин во државата на пријателот Виктор Орбан .
Порталот 444.hu. пишува дека Никола Груевски пристигнал во Будимпешта минатата есен во мистериозни околности откако избега од својата родна земја каде беше осуден на затворска казна.
Понатаму, медиумот додава дека поранешниот лидер на ВМРО ДПМНЕ е спасен од Виктор Орбан, а за да стигне до Унгарија поминал низ неколку граници со помош на унгарски дипломати, и доби статус на бегалец со невидена брзина.
Претходно медиумите во Македонија објавија дека Груевски ја повлекол тужбата за клевета и навреда против актуелниот премиер Зоран Заев, во врска со негова изјава за случајот со продажбата на „Македонска банка“.