Ново задолжување во вторник и раздолжување ден подоцна
Објавено во: Економија 18 Март, 2017
Државата во вторник ќе се задолжи со нови 88,8 милиони евра.
На аукцијата на државни хартии од вредност ќе бидат понудени 12 месечни записи и 2 годишни и 15 годишни обврзници со и без девизна клаузула. Во среда на 22 март, за враќање стасува идентична сума 88,8 милиони евра, но на 26 март треба да се вратат дополнителни 4,1 милиони евра.
Од Министерството за финансии велат дека вкупната сума на долгови кои треба да се
вратат овој месец изнесува 168,83 милиони евра.
Според податоци објавени на почетокот од 2017 година, Македонија има јавен долг од 4,76 милијарди евра или
50,6% од БДП.