Новопечените судии и обвинители, меѓу кои и блиски на политичари, веднаш ќе добијат вработување?

Добивај вести на Viber

Во Врховниот суд, од страна на Академијата за судии и јавни обвинители вчера свечено беа доделени дипломите на синовите, ќерките, сопругите на поранешни и сегашни политичари, обвинители и судии кои го положија завршниот испит.

Сега се очекува брзо да станат дел од правосудниот систем, затоа што огласите з анивно вработување се веќе објавени. Најмногубројни успешни слушатели на Академијата, кои ќе делат правда, се ќерките, синовите и сопругите на сегашни и поранешни обвинители.

Дипломи земаа и идните обвинители, синот на собранискиот спикер, Талат Џафери, Албулена Абази, сопругата на актуелниот раководител на Обвинителството за гонење на организиран криминал, Ислам Абази, сопругата на градоначалникот на Аеродром, Тимчо Муцунски која ќе стане судијка и уште над педесет слушатели на Академијата чии имиња се поврзуваа со лица од политиката и правосудството.

Јавниот обвинител Љубомир Јовески на денешниот настан на потпишување протокол за соработка на МВР и Јавното обвинителство порача да не се фрла сомнеж кон тие млади луѓе и откри дека огласите за нивно вработување се веќе објавени.

- Тие се уште не се избрани. Советот на јавни обвинители имаше распишан оглас. Јас немам податок кој се има јавено на овој оглас, а вчера разбрав дека и Судскиот совет објавил оглас за пополнување на упразнети места во судовите низ државата

Речиси 18 проценти од положените кандидати, кои се идни судии и обвинители, се синови, ќерки, снаи и сопруги на актуелни политичари, сегашни и поранешни судии и обвинители. Ова го покажа објавената ранг-листа на Академијата за судии и обвинители „Павел Шатев“.