НСП: До кога ќе трае хаосот во МВР?
Објавено во: Македонија 24 Март, 2018
Независниот Синдикат на Полицијата упати жестока реакција до Министерството за внатрешни работи барајќи итно и без нови одложувања да се решат најголемите проблеми со кои се соочуваат полициските припадници во Македонија, вклучувајќи ги недостигот на униформи и соодветна опрема поради поништен тендер, недоволна соработка со синдикатите, несоодветна исплата на дневници и многу други. НСП испрати документ до министерот Спасовски насловен „До кога ќе трае хаосот“ во МВР по многу искажани ставови во јавноста и велат дека го губат трпението.
„Разочарани од Вашите последни изјави дадени во „Топ Тема“ кај новинарот на Телма Снежана Лупевска, Почитуван Министер должни сме да Ви помогнеме и тоа токму вака бидејќи на маса не можеме со оглед на фактот дека за нас и проблемите во Полицијата и да немате време.
Во наведената емисија како Министер дадовте неколку разочарувачки податоци со кои ние како Синдикат не се согласуваме а верувам дека и сите оние кои и малку ги познаваат состојбите во Министерството би го потврдиле истото.
Тврдите дека сме соработувале и дека соработката со синдикатите е на високо ниво, господин Министер за жал мора да кажеме дека не е точно бидејќи нашите соработки се одвиваат само на овој начин ние со достава на барања и презентирање на прес а Вие само со изјава дека проблемите требало да се решаваат во Министерството а не на овој начин со ветување дека ќе не повикате на средба која за жал и денес ја очекуваме два месеца подоцна, и да на Македонската јавност треба јасно да и кажеме дека во тековната 2018 година заклучно со денес ние како Синдикат немаме остварено работна средба со Вас или Ваши претставници господин Министер.
Точна е информацијата дека со Вашето доаѓање на функцијата Министер отпочна регуларно одбивање на средства за чланарина но тоа не значи дека Вие ни го дадовте легитимитетот бидејќи почитуван Министре зад нас во овој момент стојат близу 2300 припадници на Министерството или да бидам поточен само уште 50-тина членови до денот кога ќе доставиме барање за РЕПРЕЗЕНТАТИВНОСТ до Вас кое се надевам ќе ни го признаете без многу двоумење.
Најголемата причина поради која сме денес тука е прашањето на кое во даденото интервју дадовте погрешен одговор. Односно од моја страна Ви беше поставено прашање во врска со Колективниот договор не кое дадовте одговор кој не соодветствува со фактичката состојба зошто и од која причина Вие како Министер не знаете дека Колективниот Договор на вработените во МВР е истечен уште од 30.04.2017 година ние не можеме да знаеме но факт е дека некој манипулира со Вас и Вашиот кабинет.
Уште еден погрешен одговор кој за жал најмногу боли и затоа од тука ќе Ве повикам доколку сметате дека не сме во право и даваме погрешни информации во Понеделник заедно на терен да ја утврдиме фактичката состојба и да и покажеме на Македонската јавност дека навистина некој Ви дава погрешни податоци, односно во наведеното интервју рековте дека ЧИЗМИ се поделени за сите припадници на МВР како што реков повелете заедно со мене во Понеделник во станица по Ваш избор да се уверите дека Чизми имаат добиено само бројка помала од 1/3 припадници на МВР а не како што Вие тврдите сите припадници.
Овде ќе завршам по однос на интервјуто кое го дадовте на ден 21.03.2018 година и ќе продолжам со сите прашања кои од страна на новинарката не Ви беа презентирани а во видео изјава беа земени од мене на ден 21.03.2018 година во канцеларијата на НСП од страна на екипата на Топ Тема
1. ДАЛИ МВР Е ПОДГОТВЕНО ЗА ПРАКТИЧНО ФУНКЦИОНИРАЊЕ СО ВТОРИОТ РЕПРЕЗЕНТАТИВЕН СИНДИКАТ?
2. ДАЛИ СО ПРВИОТ РЕБАЛАНС НА БУЏЕТОТ МОЖЕМЕ ДА ОЧЕКУВАМЕ ЗГОЛЕМЕНИ ПЛАТИ НА ВРАБОТЕНИТЕ ВО ПОЛИЦИЈАТА?
3. ДО КОГА ПЛАТАТА НА ПОЛИЦИСКИОТ РАБОТНИК ЌЕ БИДЕ ИЗВОР ЗА МАНИПУЛАЦИИ,КОЛКУ ОД ТАА ПЛАТА Е ХРАНАРИНА,КОЛКУ Е ПРЕВОЗ ШТО Е ДОДАТОК ОД 30 % ЗА ОВЛАСТУВАЊЕ ,КОЛКУ Е ДОДАТОКОТ ЗА МИНАТРУД И ВСУШНОСТ КОЛКАВ Е ИЗНОСОТ НА ФАМОЗНАТА ПЛАТА?
4. ДАЛИ И ОД КОГА ЌЕ ОТПОЧНЕ ДА СЕ ПЛАЌА НА РАБОТНИЦИТЕ ИНСПЕКТОРИ НИВНОТО ПАСИВНО ДОМАШНО ДЕЖУРСТВО?
5. ОД КОИ ПРИЧИНИ СЕУШТЕ ВО МВР ИМАМЕ КОЛЕКТИВЕН ДОГОВОР КОЈ НЕ КОРЕНСПОДИРА ВО ОДНОС НА НАСОКИ ДАДЕНИ ОД СТРАНА НА УСТАВНИОТ СУД НА РМ?
6. КОЈ Е ОДГОВОРОТ ЗА ПОНИШТУВАЊЕ НА ТЕНДЕРОТ ЗА УНИФОРМА И ОПРЕМА, И КОГА ПОЛИЦАЈЦИТЕ ДА ОЧЕКУВААТ УНИФОРМА?
7. КОГА МИНИСТЕРСТВОТО ЌЕ ПОЧНЕ ДА РАБОТИ СО СТРУЧНИ И ПРОФЕСИОНАЛНИ СЛУЖБЕНИЦИ?
8. ДО КОГА ПОЛИЦИСКИ СЛУЖБЕНИЦИ СО СТАЖ ОД ЕДВАЈ 3 ГОДИНИ, ЌЕ ВОДАТ ПОЛИЦИСКИ ОДДЕЛЕНИЈА, ПОЛИЦИСКИ СТАНИЦИ НО И ЦЕЛИ ОРГАНИЗАЦИОНИ ЕДИНИЦИ?
9. ВРЗ ОСНОВА НА КОЈ ЧЛЕН ОД ЗАКОНОТ ИЛИ МОЖЕБИ ОД ЧЛЕН НА КОЛЕКТИВНИОТ ДОГОВОР НА БАРАЊЕ ЗА ПРЕРАСПОРЕДУВАЊЕ ОД ЕДНО НА ДРУГО РАБОТНО МЕСТО БЕЗ РАЗЛИКА НА ИСПОЛНУВАЊЕ НА ПОТРЕБНИТЕ УСЛОВИ ВО ПРЕДВИД СЕ ЗЕМА И МИСЛЕЊЕТО НА НАЧАЛНИК НА СЕКТОР ?
10. КОГА РЕШЕНИЈА ЗА ПРИПРАВНИЦИТЕ ОД ГЕНЕРАЦИЈАТА 2016-2017?
11. ДО КОГА И ЗОШТО ПОЛИЦАЈЦИТЕ ОД ГРАНИЧНА ПОЛИЦИЈА КОЈ ПАТУВААТ ПО НЕКОЛКУ ЧАСОВИ ДО И ОД РАБОТНОТО МЕСТО БЕЗ СЕТО ТОА ДА СЕ ЕВИДЕНТИРА КАКО РАБОТНО ВРЕМЕ ?
12. КОЈА Е ФИЗИЧКАТА И ПСИХИЧКАТА ПОДГОТВЕНОСТ НА ПОЛИЦИСКИТЕ СПЕЦИЈАЛЦИ-ЕБР?
13. ОД КОГА ЌЕ ОТПОЧНЕ ИСПЛАТА НА ДНЕВНИЦИ ОНАКА КАКО ШТО БЕШЕ до 2009?
14. ВО ОДНОС НА ВИСТИНСКИТЕ ПРОФЕСИОНАЛЦИ КОГА МОЖЕ ДА ВИДИМЕ КОЛКУ ВАШИПОТЧИНЕТИ ВИ ДАВААТ КОРЕКТНИ ИНФОРМАЦИИ ?
15. КОГА ЌЕ ЗАВРШИ ТОРТУРАТА ,ОМАЛОЖУВАЊЕТО И ПРИТИСОКОТ КОН РАБОТНИЦИ НА ПОЛИЦИЈАТА КОЈ ГО ПОДДРЖУВААТ НСП ?
Ова се главните прашања кои НСП му ги упатува до министерот за внатрешни работи Оливер Спасовски барајќи истите да ги реши.