Обесено момче најдено кај Вардар, а се обесил и 51 годишен маж
Објавено во: Македонија 07 Август, 2020
Пронајдено е обесено момче на кејот на Вардар.
Во СВР Скопје вчера нешто пред 20 часот е пријавено дека на кејот на реката Вардар во Скопје, во близина на ФФМ, е пронајдено обесено машко лице на возраст од околу 25 години.
Увид на местото извршила екипа од СВР Скопје. Се преземаат мерки за расчистување на настанот.
Од МВР информираат и дека вчера во скопско село 27-годишно лице во гаража го пронашло обесен неговиот 51-годишен татко.
Од лекар од Итна медицинска помош е констатирана смрт. Увид на местото извршила екипа од СВР Скопје, а по наредба на Јавен обвинител телото на починатиот е дадено на обдукција.