ОБИД ЗА УБИСТВО НА МАЛОЛЕТНИК: напаѓачот е во притвор - го расекол со скалпел кај вратот
Објавено во: Македонија 29 Септември, 2024
Јавното обвинителство покрена истражна постапка против 28 годишен жител на Тетово поради обид за убиство на малолетник.
Како што соопштуваат од ОЈО Тетово, осмоничениот со скалпел го исекол 17-годишникот кај вратот и десното уво, но оштетениот успеал да побегне.
- Основното јавно обвинителство Тетово донесе Наредба за спроведување истражна постапка против едно лице за кривично дело – Убиство од член 123 став 1 во врска со член 19 (во обид) од Кривичниот законик.
Осомничениот 28-годишник, на 26 септември, во фабрика во селото Голема Речица, со умисла се обидел да лиши од живот 17-годишник, нанесувајќи му посекотини со скалпел кај вратот и десното уво. Оштетениот успеал да побегне, а осомничениот со скутер го напуштил местото на настанот - се наведува во соопштението објавено од страна на ОЈО.
Додават дека јавниот обвинител до судијата на претходна постапка од Основниот суд во Тетово достави предлог за определување мерка притвор за осомниченото лице, бидејќи постои опасност да се даде во бегство или да го повтори односно да го доврши обиденото кривично дело.
Од МВР во билтенот пак соопштуваат дека веднаш по пријавата го лишиле од слобода напаѓачот.
- На 28.09.2024 во 23 часот полициски службеници од СВР Тетово го лишиле од слобода Л.Ј.(28) од Тетово, поради основано сомнение дека сторил кривично дело обид за убиство.
Имено, тој на 27.09.2024 бил пријавен од малолетник од Тетово дека претходно, на 26.09.2024 околу 22 часот во работилница во Тетово со остар предмет го нападнал и му нанел тешки телесни повреди.
Л.Ј. е задржан во полициска станица и против него ќе биде поднесена соодветна пријава - стои во билтенот на МВР.