Задоволителна деловна година со оглед на вонредните услови за работа
Објавен е годишниот резултат на Штаермеркише Шпаркасе Групацијата со состојба на 31 декември 2020 година
Објавено во: Мои пари 15 Април, 2021
► Солидeн оперативeн резултат од 205 милиони евра
► Резултат за периодот по оданочување од 80 милиони евра
►Многу добри стапки на раст:
• Раст на кредитите од 4,4%
• Раст на депозитите од 11,3%
• Раст на вкупниот Биланс на состојба од 7,8%
►Одлична капитална основа – стапка на адекватност на капиталот од 21,3%
►Спојување на Bankhaus Krentschker: проширување на банкарството за физички лица
„Минатата година бараше многу од сите нас. Сите моравме да покажеме истрајност, подготвеност за промена, генијалност и храброст. Главно помагавме во области каде што луѓето беа особено погодени од кризата, и во многу случаи бевме во можност да им понудиме на нашите клиенти приспособени решенија: регионално, во нашите локални експозитури и центри за поддршка, како и преку нашите дигитални платформи. И покрај предизвикувачките услови за работа, Штаермеркише Шпаркасе постигна охрабрувачки стапки на раст. Да се биде во можност да се забележи раст на депозитите, кредитите и на вкупниот биланс на состојба во вакви времиња е голема победа за Штаермеркише Шпаркасе и за сите нејзини вработени. Кај трансакциите со хартии од вредност, дефинираните цели беа дури и надминати. Проектите за спојување со Охридска банка во Северна Македонија и Банкхаус Крентшкер ни отвораат нови можности што сакаме да ги искористиме и ќе ги искористиме. Подготвени сме да го продолжиме патот на раст во 2021 година, па дури и да го надминеме“, вели Герхард Фабиш, главен извршен директор и претседател на Управниот одбор на Штаермеркише Шпаркасе.