ОБРАЌАЊЕ НА ПРЕМИЕРОТ СПАСОВСКИ: Знамето на Република Северна Македонија свечено ќе биде кренато во Брисел

Добивај вести на Viber

Три македонски знамиња, две во Белгија и едно во САД, денеска истовремено ќе бидат подигнати како дел од свечената и церемонијална завршница на стапување на нашата земја во полноправно членство во НАТО. Генералниот секретар на НАТО, Јенс Столтенберг во 15.00 часот ќе присуствува на свеченоста во Брисел, како и претседавачот на Воениот комитет на Алијансата маршал Стјуарт Пич, и в.д. шефот на Постојаната мисија на Република Северна Македонија при НАТО, Зоран Тодоров.

Преку видео врска во Скопје, премиерот Оливер Спасовски ќе ја следи свечената церемонија на подигнувањето на македонското знаме пред седиштето на НАТО во Брисел, а веднаш потоа ќе има свое кусо обраќање на следниот линк.

Постпката за членството во НАТО официјално се затвори на 27 март по депонирањето на инструментот за пристапување кон Северноатлантскиот договор во Стејт Департментот на Соединетите Американски Држави во Вашингтон, откако претходно сојузниците во НАТО го потпишаа Протоколот за пристапување во Северна Македонија во февруари 2019 година, по што сите 29 национални парламенти гласаа за ратификување на членството на нашата земја во алијансата.