Обвинителство ќе испитува, вработените во МВР кои се возеа со дрогата се вратија во Скопје
Објавено во: Македонија 24 Септември, 2021
Обвинителството за организиран криминал и корупција ќе гоиспитува случајот со пронајдената дрога во автомобил „крајслер“ кој му припаѓал на Министерството за внатрешни работи. Во автомобилот се возеле двајца припадници на Одделот за гонење на компјутерски криминал а го открија гранични служби на границата меѓу Црна Гора и Албанија. Од обвинителството потврдика дека ќе бидат преземени сите неопходни мерки за расветлување на случајот.
Вчера од МВР го потврдија случајот, но тврдеа дека станува збор за претходно запленета марихуана која останала во возилото, скриена во бункер во гепекот на возилото. Од министерството додаваат дека двајцата службеници веќе се вратени во Скопје.
„Вработените во МВР немаат никаква поврзаност со дрогата и тоа го потврдило и албанското јавно обвинителство и тие се веќе вратени во Скопје, а за целиот случај го известивме и нашето јавно обвинителство за натамошно постапување и расчистување на случајот, соопштија од МВР.Во јавноста сепак останаа дилеми како дрогата останала во автомобилот толку време. Возилото било предадено во владение на МВР од страна на Агенцијата за управување со одземен имот, откако претходно Царинската управа во 2016 година го запленила во акција за сузбивање на трговија со дрога. Сите наводи ќе ги испитува и царината.