Oбвинителството анализира 140 телефонски броеви за „крвавиот четврток“
Објавено во: Македонија 18 Октомври, 2017
Обвинителството за организиран криминал се обидува да ги лоцира сопствениците на стотици мобилни телефони поврзани со „крвавиот четврток“. Вмрежени се 140 телефонски броеви и преку нивна детална анализа се бара евентуално докажување поврзаност на учесниците на потешки кривични дела од учество во толпа на 27-ми април, брифираат извори за ТВ 24 од обвинителството.
Oбвинителите имале барања и до мобилните оператори во земјава. Засега официјално не се открива ништо од обвинителството кое ја работи предистражната постапка.
ТВ 24 пред неполн месец објави дека учесници во Собранието пред крвавиот четврток имале и неколку мобилни телефони, а по настанот пријавиле дека користат само еден. Голем број мобилни завршиле како отпаден материјал, во обид да се прикријат клучни докази за настанот во законодавниот дом.