Обвинителството не е сигурно дека Заев е во право за Груевски и багажникот
Објавено во: Македонија 14 Јуни, 2019
Основното јавно обвинителство не е сигурно дека Никола Груевски избегал од Македонија во Албанија сокриен во багажник од возило, како што тврди премиерот Зоран Заев во интервју за германскиот весник „Франкфуртер алгемајне цајтунг“
„И ние имаме некои информации дека е можно да се сокрил на таков начин, но во текот на истрагата таа можност не е поткрепена со конкретни докази и затоа не ја објавивме во јавност“, велат од таму за Телма.
Знаеме како Груевски избега од земјата. Со лифт се симнал во подрумот, а потоа се сокрил во багажникот на автомобилот со кој бил изнесен од земјата. Во Албанија го чекало унгарско дипломатско возило, рече Заев за гласилото претходно.
Снимките од безбедносните камери во врска со бегството на Груевски преку Албанија не се обезбедени, затоа што наводно системот не можел да задржува голем број на материјали и автоматски постарите ги брише.