Обвинителството оформило предмет за ТЕ-ТО, каде закочила работата?

Добивај вести на Viber

Основното јавно обвинителство оформило предмет за случајот со стечајот на ТЕ-ТО, потврдија оттаму за Фактор. Реакцијата следувала по кривичните пријави кои Топлификација ги поднесе против менаџментот на гасната централа, но и против нотари, адвокати, извршители и сопственикот на ТТ-ТО Битар холдингс. Топлификација тврди дека процесот е воден незаконски, со пропусти, дека има сомнежи за лажирани финансиски извештаи. Сепак и покрај тоа што обвинителството го оформило предметот уште во јуни, документацијата не била целосна па исходот се уште не е познат

„Основното јавно обвинителство Скопје ја прими кривичната пријава за која покажувате интерес. Оформен е предмет, а надлежниот јавен обвинител ја разгледа пријавата и констатираше дека во неа недостигаат битни документи за утврдување на фактичката состојба. За таа цел, во јуни годинава надлежниот обвинител се обрати до Управата за финансиската полиција со барање за обезбедување на комплетната документација која се однесува на предметот. Откако ќе бидат доставени сите документи, надлежниот јавен обвинител ќе донесе мериторна одлука, изјавија од ОЈО за Фактор.

Топлификација како еден од најголемите доверители во ТЕ-ТО е најгласна во реакциите поради тоа што според планот за реорганизација, и се брише 90 отсто од побарувањето од 30 милиони евра. За тоа реагираат и акционери кои тврдат дека се оштетени од овој план. Фактор вчера пишуваше дека тие испратиле реакција и до Комисијата за хартии од вредност и до Македонската берза.

Целиот тој текст овде.

А.Т.