Очекувајте снег и минусни температури од утре
Објавено во: Македонија 13 Јануари, 2021
Од утре се очекуваат врнежи од снег во Македонија.
Времето ќе биде претежно облачно и студено, попладне и во вечерните часови ќе има нови врнежи од снег, позастапени и пообилни во западните делови, информира УХМР.
Само во крајните југоисточни делови врнежите ќе бидат од дожд и снег. Во поголем дел од земјава ќе се формира снежна покривка, а во западните делови позначително ќе се зголеми. Ќе дува слаб до умерен ветер од северозападен правец. Минималната температура ќе биде во интервал од -7 до 1, а максималната ќе достигне од 0 до 7 степени. Во главниот град ќе биде претежно облачно и студено, попладне и во вечерните часови ќе има повремени врнежи од снег и се очекува да се формира помала снежна покривка. Минималната температура ќе се спушти до -4, а максималната ќе достигне до 2 степена. Ќе дува слаб до умерен ветер од северен правец.
Во следните денови ќе преовладува претежно суво и многу студено време, особено за време на викендот и во почетокот на наредната седмица кога и дневните температури во поголем дел од земјата ќе се задржат под нулата.На Балканот веќе има снежно невреме. Во Европа, Франција и Шпанија се соочија со обилни снежни врнежи.