Од 10 најзагадени градови во Европа, пет се на Балканот а три во Македонија
Објавено во: Македонија 06 Декември, 2018
Со доаѓањето на зимата земјите од западен Балкан се гушат во смог , пишува агенцијата АП.
Како што се наведува, единствени што тријат раце се продавачите на пречистувачи на воздух.
Според Светската здравствена организација на списокот 10 најзагадени градови во Европа пет се на Балканот, а се работи за Тузла (БиХ), Пљевљи (Црна Гора) и Скопје, Тетово и Битола.
СЗО предупредува дека со тоа се нанесува голема штета на економијата и луѓето.
Според истражувањето од 2014 се проценува дека во 2010 загадениот воздух бил причина за смртта на повеќе од 37 000 луѓе на западен Балкан, кој има 23 милиони жители. Тоа, во однос на бројот на жители, шест пати се повеќе отколку во Франција, но од таму не се преземени никакви мерки за сузбивање на амтмосферското загадување.
Како што се наведува проблемот на загадување на воздух ги мачи и жителите на главниот македонски град пренесува.-Пречистувачи на воздухот се продаваат како да се делат слатки. Луѓето ги празнат паричниците барем дома да можат да дишат чист воздух-рекол продавач во Скопје, пренесуваат медиумите.
Се додава и дека учителката Весна Делевска тврди дека во Скопје состојбата е „неиздржлива“. Според нејзини зборови никогаш немало толку многу болни деца кои често кашлаат.
Македонскиот министер за здравство објавил дека за хронични болни ќе подели 43 000 маски.