ОД 500 ДО 700 МИЛИОНИ ЕВРА- толку ќе треба да се задолжиме за да ја пребродиме кризата со коронавирусот
Објавено во: Финансии 18 Март, 2020
За да се покријат големите штети во економијата, предизвикани од коронавирусот, доколку состојбата продолжи со ова темпо или има извесно влошување, на земјава ќе и треба да се задолжи на сума од 500 до 700 милиони евра, е проценката која ја направила некоја од стопанските комори во земјава, а вчера ја презентираше шефот на државата Стево Пендарсовски во емисијата Топ Тема на Телма.
Првичните проценки за штетите направени изминатите недели само во угостителскиот бизнис, односно ресторани, хотели и туристички агенции, се 70 милиони евра.
„А една од првичните проценките на нашите стопански комори вели дека вкупно заклучно со средината на следниот месец ако ова темпо продолжи или малку ако се прошири, нам ќе ни требаат финансиски позајмици од светскиот финансиски пазар од 500 до 700 милиони евра. Тие пари ние ги немаме, ќе мораме да се задолжиме. Нема начин да се задолжите ако Собранието не работи или ако нема вонредна состојба во која Владата ќе го бајпасира Собранието во овој сегмент. Јасно е - македонскиот бует никогаш не би можел да издржи ваков голем товар“, рече претседателот Пендаровски.