ОД ДЕНЕСКА НЕМА ВАКЦИНИРАЊЕ БЕЗ ЗАКАЖАН ТЕРМИН - српската Влада ги повикува граѓаните прво да се регистрираат
Објавено во: Балкан 26 Јануари, 2021
Терминот за вакцинација граѓаните на Србија че го добијат само откако ќе се регистрираат на порталот за е-Влада или ќе се јават во контакт центарот.
Како што е наведено во соопштението од Владата до српските граѓани, нема потреба, ниту е во интерес на јавното здравство да се создаваат редици и толпи граѓани кои немаат закажано термин, бидејќи сите граѓани ќе ја примат вакцината во согласност со планот за приоритет.
Оваа одлука е донесена затоа што секој ден се зголемува бројот на граѓани кои не се пријавиле за вакцинација, а доаѓаат пред пунктови или здравствени установи за да се вакцинираат.
Од граѓаните се бара да ги почитуваат процедурите за аплицирање и самата вакцинација, бидејќи тоа е најдобриот начин секој да ја добие својата вакцина, според утврдените приоритети.
Затоа, Владата на Србија уште еднаш ги поканува сите граѓани да дојдат на вакцинација исклучиво во времето кога им е закажано.
„Изразувањето интерес за вакцинација, по што ќе добиете време и место за вакцинирање во блиска иднина, трае неколку минути и е многу едноставно“, велат во Владата на Србија.
Сите граѓани можат да го сторат тоа на сајтот кој го објави српската Влада - www.imunizacija.euprava.gov.rs.
Доколку лицето кое е заинтересирано за вакцинација нема компјутер, може да аплицира и по телефон, преку контакт центарот на телефонскиот број 0800 222 334, секој ден од 8 до 20 часот.
Владата ги потсетува сите граѓани на Србија дека, без оглед на фактот дека вакцината пристигна во нивната земја и дека во моментов се меѓу водечките земји во светот според бројот на вакцинирани граѓани на милион жители, епидемијата во никој случај не значи дека си заминала.
Извор. Б92