22 Ноември, 2019
0.0174

Од камен прават хартија: Спасуваат многу дрвја и трошат помалку вода

Објавено во: Финансии 12 Октомври, 2019

Дали е можно да се направи хартија без дрво? Овој проблем е актуелен долги години и од економски но и од еколошки причини.

Размислувајќи за решение, австралиските претприемачи Кевин Гарсија и Џон Ци поминаа една година во потрага по алтернативни материјали што можат да бидат направени од хартија.

„Што ако најдевме нов начин да направиме хартија што повеќе одговара на околината“, се прашувал Гарсија, а потоа прочитал текст за компанија во Тајван која израбитува хартија од камен и тоа го инспирирало да го стори истото.

И така, во 2017 година, тие ја лансираат компанијата Карст Стоун Пајперс, во која произведуваат хартија без дрво, вода или штетни хемикалии. Основниот материјал е градежен и индустриски отпад.

Гарсија проценува дека во 2019 година, нивната компанија помогнала во заштеда на 540 стебла на дрвја, 83.100 литри вода и спречила ослободување на 25.500 кг. јаглерод диоксид.

„Собираме отфрлен варовник каде и да може да го најдеме, го миеме и мелеме во фин прав“, раскажал тој.

Прашокот се меша со HDPE (полиетилен со висока густина), смола што може да се компостира или да се распаѓа, што значи дека со тек на време се распаѓа од сончева светлина, оставајќи зад себе само калциум карбонат, пренесува CNN.

Околу 90 проценти од смесата е калциум карбонат, а останатите 10 проценти е смола која со прашокот ги врзува заедно. Смесата во форма на паста потоа се претвора во ролни, се загрева и се става низ големи валјаци за да се претвори во тенки листови хартија.

Емисиите на јаглерод во овој процес се 67 проценти пониски отколку кога се прави хартија од дрво.

Резултатот е да се добие водоотпорна хартија, која тешко се кине и може да се рециклира.

Тие главно ги продаваат своите производи преку нивната веб-страница, но можат да се најдат и во 100 продавници, главно преку Австралија, Соединетите држави и Велика Британија.

„Над 70 проценти од нашите клиенти се од САД“, вели Гарсија.

Можеби ќе ве интересира

Јовановиќ: Кај нас има нехумана нееднаквост, а таа не се решава без прогресивен данок

Јовановиќ: Кај нас има нехумана нееднаквост, а таа не се решава без прогресивен данок

Технологии кои го сменија начинот на водење бизнис

Технологии кои го сменија начинот на водење бизнис

По најубавите есенски рути низ Македонија со Lexus UX

По најубавите есенски рути низ Македонија со Lexus UX

ПОЛОВИНА МИЛИОН ЕВРА ЗА НАГРАДИ - скенирачите ќе се омрсат од средината на декември

ПОЛОВИНА МИЛИОН ЕВРА ЗА НАГРАДИ - скенирачите ќе се омрсат од средината на декември

Спојувањето на банките ќе ја подобри ефикасноста, смета ММФ

Спојувањето на банките ќе ја подобри ефикасноста, смета ММФ

СТИГНАА ПРВИТЕ КРИТИКИ ОД ММФ - за прогресивниот данок, пензиите, минималната плата...

СТИГНАА ПРВИТЕ КРИТИКИ ОД ММФ - за прогресивниот данок, пензиите, минималната плата...

Која домашна банка ќе му даде кредит на буџетот идната година

Која домашна банка ќе му даде кредит на буџетот идната година

Министрите Мила Царовска и Арбр Адеми имаат најтешко буџетско чекмеџе

Министрите Мила Царовска и Арбр Адеми имаат најтешко буџетско чекмеџе

Германските фирми ја фалат Владата што го замрзна прогресивниот данок

Германските фирми ја фалат Владата што го замрзна прогресивниот данок