Од Митревски се огради и Македонскиот полициски синдикат

Добивај вести на Viber

Тврдењата на Живко Митревски дека членството стои зад него како претседател на ССМ не се целосно точни, бидејќи од него и неговите соработници се огради Македонскиот полициски синдикат.

„Органите на Македонскиот полициски синдикат никогаш не одлучувале за состојбите во рамките на ССМ и немаат официјално изграден став за ова прашање, бидејќи до МПС и до неговото раководство досега од никого не се доставени правосилни документи од наслежни државни органи за состојбите во ССМ. Органите на Македонскиот полициски синдикат одлуката за својот став можат да ја донесат единствено врз основа на правсилни документи од надлежни државни органи. Согласно наведеното Македонскиот полициски синдикат се оградува од ставовите изнесени на денешната прес конференција на г-дин Методија Димески“ – се вели во соопштението од МПС.

Ова е уште една „шлаканица“ за претседателот во заминување Живко Митревски. Сега, на јавноста и стана кристално јасно дека Митревски ниту ја имал ниту ја има поддршката на гранските синдикати. Се очекува легитимниот претседател Дарко Димовски, во текот на неделава да го добие решението од Централниот регистар, со што конечно Митревски ќе мора да ја напушти синдикалната фотелја.