Oд СДСМ тврдат дека акцизата не ги погаѓа сиромашните, повеќето немале автомобил
Објавено во: Економија 18 Мај, 2018
Пратениците од ВМРО-ДПМНЕ обвинуваат дека зголемувањето на акцизата негативно влијае на буџетот на секое семејство.
„Вкупните дополнителни трошоци од покачување на акцизата со кој ќе ја намалиме конкурентноста на македонскиот транспорт и ќе ги зголемиме трошоците кои ќе влијаат директно врз трошоците на производство врз трошоците на финалните производи за консумација на граѓаните и за трошоците на патниот сообраќај“- вели Драган Цуклев, од ВМРО-ДПМНЕ.
Предлогот на опозицијата не ја доби поддршката од мнозинството во првото читање во Комисијата за финансирање со образложение дека повисоката акциза не влијае врз сиромашните.
„Покачувањето на акцизата на дизелот нема да ги погоди сиромашните граѓани бидејќи 60% од сиромашните домаќинства во Македонија немаат автомобил“- вели Мира Стојчевска од СДСМ.
Владата ваквата одлука ја донела во погрешно време кога расте цената на нафтата на светските берзи, сметаат од опозицијата.Според нив, повисоките цени на дизелот прави штета од околу 40 милиони евра врз индустријата и транспортот, цената на горивата скокнала за 30%, а трошоците на индустријата за една година ќе се зголемат за 5,5 милиони евра.