ОД ШТО ПОЧИНАЛ 42-ГОДИШНИОТ ГЕРМАНЕЦ - најден е во Скопје, немало насилство
Објавено во: Македонија 29 Мај, 2020
Четириесет и двегодишен Германец бил пронајден починат во Скопје. Жената што го нашла тоа го пријавила во полиција, по што тој бил прегледан од лекар и било констатирано дека нема траги на физичко насилство.
„На 28.05.2020 во 16.42 часот во СВР Скопје, С.И. пријавила дека во стан на ул.„Јордан Мијалков“ во Скопје го пронашла починат Х.Н.(42) од СР.Германија. Од лекар била констатирана смрт без траги на насилство. Увид на местото извршила екипа од СВР Скопје. По наредба на јавен обвинител, телото на починатиот било дадено на обдукција“, се вли во соопштението што го испрати Министерството за внатрешни работи.
А истиот ден се случила и жестока тепачка во една продавница, меѓу сопственикот и пијан човек кој дошол во објектот, од која тепачите завршиле во болница.
„На 28.05.2020 околу 17.40 во СВР Куманово било пријавено дека во продавница на ул.„Гоце Делчев“, по претходна расправија, настанала физичка пресметка помеѓу сопственикот В.К.(51) од Куманово и Д.Ц.(44) од с.Младо Нагоричане, кумановско, кој бил во алкохолизирана состојба. Според пријавеното, сведок на случувањето била вработената М.Ц. (39) од Куманово. Притоа, двајцата се здобиле со повреди и биле пренесени во Медицинскиот центар Куманово за укажување на лекарска помош. Се преземаат мерки за расчистување на случајот“, пишуваат од полицијата во своето соопштение.