Од среда Канада втора држава во светот со целосна либерализација на канабисот
Објавено во: Економија 15 Октомври, 2018
Канада во средa ќе стане втората земја во светот со целосно легализиран канабис инејзиното искуство ќе бидат внимателно следено од другите земји кои имаат таква намера.
Од 17 октомври, на Канаѓаните ќе им биде дозволено одгледување, поседување и употреба на канабис за рекреативни цели, по што ќе биде првата земја од Западот и втората воопшто во светот, откако пет години претходно тоа го направи Уругвај во Јужна Америка.
Деривати на канабисот, како што се храна, козметика, или е-цигари со марихуана, ќе бидат дозволени во Канада од 2019 година, но канадските компании веќе почнаа да се подготвуваат да го земат својот дел од "колачот" на пазарот кој ветува.
Легализација треба да ја стимулира канадската економија и се очекуваат дополнителни приходи во четвртиот квартал од тековната година од 800 милиони до 1,1 милијарда долари.
Според Канадскиот статистички институт, црниот пазар ќе има само удел од една четвртина.
Институтот за статистика проценува дека 5,4 милиони Канаѓани ќе купуваат канабис во овластени продавници до крајот на 2018 година или 15 проценти од населението.
"Ако работите добро тргнат, и очекувам тоа да биде така, верувам дека и другите земји ќе нè следат", заклучи премиерот Џастин Трудо.
Подготовките веќе се одвиваат во одделни региони и населени места, а локалните власти и претпријатија мора да се усогласат со новиот закон.
Федералниот парламент пролетта гласаше за легализација на марихуаната, која е забранета во Канада од 1923 година, но спроведувањето на овие реформи ќе се случат во десет провинции и три федерални територии.
Неколку од нив веќе објавија дека нема целосно да го применат новиот закон, па така тоа ќе биде дозволено само во вашиот приватен доим, или пак полицајците ќе бидат лишени од таа конзумација.