Од утре се укинува бесплатниот превоз во ЈСП - престануваат да важат мерките за спречување на загадениот воздух
Објавено во: Македонија 29 Декември, 2021
Од утре престануваат да важат мерките кои Градот Скопје ги донесе за спречување на загадувањето на воздухот во главниот град.
Дополнителни мерки, како што рече Арсовска, нема, бидејќи тие се лимитирани.
Прашана за колку загадувачи се изречени казни, Арсовска рече дека се прават лабораториски мерења и податоци се добиваат за пет до седум дена. Во изминатите две години, како што рече, биле направени само пет надзори за животна средина.
Се што е во наша надлежност ќе направиме, рече Арсовска, додавајќи дека имаат луѓе на терен кои постојано работат на контрола на индустриските капацитети.Таа најави дека во наредните два месеца ќе има повеќе вонредни инспекциски надзори.
Сите индустриски капацитети ќе ги исконтролораме, ако имаат обврска да си стават филтри ќе си стават, ако сакаат да загадуваат во континуитет ќе бидат казнувани. Постапуваме и кај малите загадувачи, заклучи Арсовска.
Градоначалничката информира дека за два месеци расчистиле 120 диви депонии и најави драконски казни за загадувачите.