28 Март, 2024
0.0253

Одбележани 76 години од депортацијата на македонските Евреи со нова поставка во Меморијалниот центар на холокаустот

Објавено во: Мои пари 11 Март, 2019

Добивај вести на Viber

По повод одбележување на 76 години од депортацијата на 7.144 македонски Евреи во концетрациониот логор Треблинка, денес во Македонскиот народен театар се одржа комеморативен настан по што беше отворена поставка во Меморијалниот центар на холокаустот во Скопје.

На свечената средба се обратија: Зоран Заев, Претседател на Владата на Република Северна Македонија; Зеев Елкин, министер за Ерусалим и министер за заштита на животната средина на Израел; Роберт Сингер, извршен потпретседател и главен извршен директор на Светскиот еврејски конгрес; Рабин Ендрју Бејкер, директор за меѓународни односи во Американскиот еврејски комитет, личен претставник на претседавачот во ОБСЕ во канцеларијата за борба со антисемитизам, претседавач на Меѓународниот советодавен одбор во Фондот на холокаустот; Берта Романо-Николиќ, Претседател на Еврејската заедница.

Претседателот на Владата, Зоран Заев, пред присутните истакна:

- Чувствувам и гнев за антисемитизмот кој во светот сѐ уште не е поразен. Мораме да ја поразиме омразата. Да ја поразиме омразата пред таа да ја порази демократијата – изјави Заев кој воедно во својот говор го истакна и значењето на еврејската заедница во земјава.

Претседателката на Еврејската заедница Берта Романо Николиќ во својот говор повлече паралела меѓу Македонците и Евреите посочувајќи дека се мали, но истрајни народи.

- Македонскиот и еврејскиот народ се мали по број, но истрајни заедно доживувајќи ја неповторливата големина на своето минато, страдајќи илјадници години заедно, но никогаш не ја изгубиле својата национална свест и својот дух - рече Романо-Николиќ.

Главниот извршен директор на Светскиот еврејски конгрес, Роберт Сингер, посочи дека во Македонија доаѓа по посетата на Бугарија и се радува на фактот дека и оваа земја конечно започнува да се соочува со ова трагично поглавје во својата историја и да ја препознава својата одговорност.

- Приказната за уништувањето и повторниот подем на македонското еврејство е навистина поттикнувачка и инспиративна, најмногу затоа што, за разлика од ситуацијата во многу делови на Европа, антисемитизмот речиси и да нема фатено корени тука – истакна Сингер.

Рабинот Ендрју Бејкер посочи дека дека обврска на секој од нас е да се сеќаваме. - Пред седумдесет и шест години, бугарската жандармерија собра 7.144 македонски Евреи и ги одведе во смрт. Никој не се заложи да ги заштити и да ја спречи нивната администрација. Храбрите гласови од соседна Бугарија не дојдоа навреме и не беа доволно гласни за да помогнат - посочи Бејкер.

Министерот Зеев Елкин истакна дека обврска на секој од нас е ова никогаш повторно да не се случи.

- Оваа комеморација и сеќавање, и тоа не е случајно, исто така ги поврзува нашите две земји и два народи. Некои од малкуте македонски Евреи, кои успеале да го преживеат овој пекол, се најдоа на Земјата на Израел по војната и биле партнери во формирањето на еврејската држава - изјави во својот говор Елкин.

Во рамки на свечениот настан беше претставена и изложбата, која е дело на Мајкл Беренбаум. Оваа редовна поставка веќе може да се види во Меморијалниот центар на холокаустот во Скопје.

- Меморијалниот центар е споменик и паметник чија основна цел е едукација и промоција на Универзалната декларација за човекови права. Тие права не смеат да бидат поставени на недопирлив пиедестал, туку да бидат достапни за сите, за да создаваме општество во кое ќе се негува и унапредува соживотот и почитта меѓу луѓето, а со самото тоа да се бориме против сите видови дискриминацијата, антисемитизам, говор на омраза и ксенофобија - истакна Горан Садикаријо, главен извршен директор на Фондот на Холокаустот на Евреите од Македонија.

Можеби ќе ве интересира

Склучен Меморандум за соработка со Кроација осигурување АД, Друштво за неживотно осигурување Скопје

Склучен Меморандум за соработка со Кроација осигурување АД, Друштво за неживотно осигурување Скопје

Дарко Лукиќ од 1 јули е новиот извршен директор на Групацијата Нелт

Дарко Лукиќ од 1 јули е новиот извршен директор на Групацијата Нелт

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Континуирана едукација и почитување на етичките и професионалните меѓународни стандарди се клучни за статусот и развојот на сметководството

Општина Центар е лидер во промени, Иницијативата за конфискација на дивоградби се преточи во закон

Општина Центар е лидер во промени, Иницијативата за конфискација на дивоградби се преточи во закон

Прилепска Пиварница одбележува 100 години постоење

Прилепска Пиварница одбележува 100 години постоење

Откријте го врвното искуство на гледање со FUEGO Electronics и новата серија 720GTV на Google TV

Откријте го врвното искуство на гледање со FUEGO Electronics и новата серија 720GTV на Google TV

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

Сликовницата „Рокчето“ од Никола Маџиров ќе биде промовирана во Струмица на Светскиот ден на книгите за деца

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

САМО СО DINERS CLUB КУПЕТЕ МЕБЕЛ И ПРОИЗВОДИ ЗА ДОМАЌИНСТВО СЕГА, А ОДЛОЖЕТЕ ГО ПЛАЌАЊЕТО ЗА ЈУНИ

Македонски Телеком ја гаси старата 3G технологија

Македонски Телеком ја гаси старата 3G технологија