Одекна нова „бомба“: „Дај му на Кире податоци за цигани, денес мора да се заврши со исплата“
Објавено во: Македонија 24 Септември, 2018
Во Кривичниот суд пред јавноста одекнуваат нови „бомби“ од СЈО за случајот „Титаник“, во кој Мартин Протогер од ВМРО-ДПМНЕ бара од тогашниот министер Миле Јанакиески да му се јави на генералниот секретар за да се „купат“ што е можно повеќе одлучувачки гласови.
Протоѓер на 4 дена пред парламентарните избори во 2011 година, на Јанакиески му вели: „Дај му на Кире податоци за цигани, мигани, све живо. Денеска до 3 да завршите работа со исплата со се. Купени се вишe пола”.
Во моментот во Кривичниот суд оддекнуваат “бомби”, предложени како доказ за случајот “Титаник”, односно за изборните манипулации во 2011 или 2013 година, за што обвинето е претходното раководство на ВМРО-ДПМНЕ, на чело со екс премиерот Никола Груевски.
Прислушуваните разговори кои денеска се слушаат се однесуваат на предвремените парламентарни избори, кои се оддржаа на 5 јуни 2011 година.
Потоа во разговор меѓу Јанакиески и секретарот Кирил Божиновски се зборува за организирано носење на гласачи од Италија.
- Миле твоја ли е генијалнава идеја со шест автобуси да носиме гласачи од Италија?, го прашува Божиновски министерот Јанакиески.
Тој пак му се правда и вели: “Мартин ми рече”.
По ова Божиновски пресметува и вели дека на тој начин би дошле 300 гласачи по што ја прекинуваат комуникацијата.