Одговор од Комисијата за хартии од вредност: Малите акционери слободно да го тужат Кутревски
Објавено во: Економија 12 Јули, 2019
Комисијата за хартии од вредност му порача на менаџерот Слободан Кутревски дека не смеел да гласа сам за себе и да си додели 1,17 милиони награда, а да не одобри дивиденда за акционерите на „Пекабеско“.
Од КХВ ги поддрживаат акционерите во намерата да тужат и велат дека Кутревски се користел со дезинформации кога во записникот од собранието порачал дека добил позитивен одговор за оваа одлука од комисијата.
Тоа значи дека сопствениците на мали удели во овој гигант од месната индустрија останале со куси ракави поради преседанот на Кутревски, а тоа се потврдува и во одговорот што го доби „Фактор“ од КХВ.