Одобрен предлог - буџетот за 2017, се очекува раст од три проценти

Добивај вести на Viber

Владата  вчера на седница го одобри предлог-буџетот за 2017 година и денеска тој ќе биде доставен до Собранието.

Министерот за финансии, Кирил Миноски вели дека буџетот за 2017 година е работен врз основа на проекција за раст на економијата од 3% наредната година. За плати се предвидени 26,77 милијарди денари, а социјалните трансфери  92,7 милијарди денари. Капиталните инвестиции се планирани во износ од 26,95 милијарди денари.

„Вкупните приходи на консолидираниот буџет за 2017 година се планираат на ниво од 187,6 милијарди денари, што е за 7,6% повеќе во однос на 2016 година. Вкупните даночни приходи се очекува да забележат пораст од 9,5% во однос на 2016 година. Вкупните расходи се планирани на ниво од 206,22 милијарди денари, или за 4,5% повеќе во однос на годинава“ – кажа Миноски.

За следната година, 51,2 милијарди денари се планирани за исплата на пензии и во тие средства е пресметано предвиденото зголемување на пензиите за 5% почнувајќи од ноемвриската пензија која пензионерите ќе ја добијат во декември 2016 година.

Извозот е предвидено да има пораст од 6%,  а увозот  ќе се зголеми за 4,7%. Бруто-инвестициите се очекува да остварат реален пораст од 4,5%.

Читајте уште