Одреден притвор за човекот кој му удри тупаница на Сали Бериша
Објавено во: Балкан 09 Декември, 2022
На 31-годишниот Герт Шеху, кој пред три дена го удри поранешниот премиер Сали Бериша, судот му ја изрече мерката притвор со затвор. Во моментов тој е во болница, откако веднаш потоа беше нападнат од придружниците на Бериша.
Новинарката Анила Хоџа дознава дека адвокатот Николин Селими побарал од Судот поблага мерка за безбедност, како куќен притвор или задолжителна хоспитализација.
Во меѓувреме, обвинителот побара негово приведување во затвор до вештачење за неговата состојба.
Герт Шеху го нападна Сали Бериша со тупаница во лице непосредно пред почетокот на протестите во вторникот. Според Бериша, 31-годишниот Шеху е „криминален полициски агент“, додека според полицијата, 31-годишниот е лице со криминално досие и нарушувања на менталното здравје.
Бериша ненадејно беше нападнат од 31-годишникот, додека заедно со поранешниот претседател Илир Мета се движел од седиштето на партијата, во правец на шеталиштето „Маченици на нацијата“, каде што започна протест против премиерот Еди. Рама. Во исто време во Тирана се одржуваше и на самитот ЕУ-Западен Балкан.