ОДРЖАНА БИЗНИС КОНФЕРЕНЦИЈА ЗА „МЕНАЏИРАЊЕ И ИСКОРИСТУВАЊЕ НА ЕУ-ФОНДОВИТЕ ЗА ЗЕМЈОДЕЛИЕ И ПРЕТСТАВУВАЊЕ НА БИЗНИС МОДЕЛОТ НА ПЛАТЕЖНАТА АГЕНЦИЈА НА СЛОВЕНИЈА“

Добивај вести на Viber

Стопанската комора на Македонија, во соработка со Агенцијата за земјоделие и рурален развој на Република Словенија и Амбасадата на Република Словенија во Македонија одржаа бизнис конференција на тема: „ Менаџирање и искористување на ЕУ-фондовите за земјоделие преку претставување на бизнис моделот на Платежната агенција на Република Словенија“

На настанот беше презентиран бизнис моделот на Платежната агенција на Република Словенија и ЕУ, особено во однос на информатичко-технолошките решенија кои претставуваат интегрален и неопходен дел од имплементацијата на Заедничката земјоделска политика на ЕУ. Во соработка со нивните клучни партнери, кои ги обезбедуваат најголемите ИТ-решенија во врска со ИТ-системите за земјоделски парцели, регистри на земјоделски стопанства, поднесување и обработка на апликации, обработка и плаќање, како и документациски системи, претставниците на Агенцијата за земјоделие и рурален развој на Република Словенија ги презентираа своите искуства и знаења.

Во своето поздравно обраќање пред  присутните, Н.Е Милан Јазбец, амбасадор на Република Словенија во Република Македонија,  истакна дека во наредниот период во Македонија ќе дојде словенечки тим кој ќе ги пренесе словенечките искуства и ќе овозможи „know-how“, кој и е потребен на Македонија за ефикасно искористување на ЕУ-фондовите.

На настанот свое обраќање имаше и Николче Бабовски, директор на Агенцијата за финансиска поддршка на земјоделството и руралниот развој на РМ, кој нагласи дека на нашата земја и е потребно да се фокусира на креирање на добар, квалитетен и конкурентен производ кој ќе и овозможи на преработувачката индустрија да обезбеди повеќе финансиски средства. Бабовски информирање дека за ИПАРД2 досега се потпишани преку 100 договори за повеќе од 4,5 милиони евра кофинансирање, најмногу во преработувачката индустрија, како и за обновување на земјоделска механизација. Тој најави дека за еден месец ќе биде распишан нов повик.

Исто така, беше посочено дека Агенцијата за финансиска поддршка на земјоделството и руралниот развој на Словенија е компјутеризирана и работи електронски. Директорот на Агенцијата за финансиска поддршка на земјоделстовото и руралниот развој на Словенија, Бенедикт Јеранко, посочи дека процесот за добивање информации за сите корисници е поедноставен.

На презентацијата присуствуваа повеќе од 30-тина претставници на македонски компании, од Министерството за земјоделство, шумарство и водостопанство и од Агеницијата за финансиска поддршка на земјоделството и руралниот развој на РМ.