Официјално: Бројот на загинати во нападите на Шри Ланка е 253, а не 359 лица
Објавено во: Свет 26 Април, 2019
Бројот на жртвите во нападите врз цркви и хотели кои се случија на првиот ден католички Велигден на Шри Ланка е намален на 253 лица.
Бројот на загинати лица е помал
за разлика од првичните податоци. Голем
е бројот на починати кои буквално се распарчени и поради големиот број на
делови од човечки тела тешко е да се прецезира бројот на загинати, тврдат
двајца високи владини претставници.
„Може да има 250 или 260 мртви. Не
можам да кажам точно, има толку многу делови од телото и тешко е да се одреди
прецизната бројка", рекол Анил Џасинг, главен медицински офицер на
здравствените служби во Шри Ланка во интервју за европски медиум.
Раулан Вијеварден, заменик-министер
за одбрана на Шри Ланка, чие министерство е одговорно за безбедносните сили,
рекол дека бројот на загинати бил намален на 253 поради неточни бројки што
претходно им биле дадени од мртвачниците.