ОГНЕНИТЕ СТАНУВААТ ФРАКЦИЈА - Се уште не се разрешени од ДУИ

Добивај вести на Viber

Членовите на партијата „ДУИ“ кои овој период се познати како „Огнени“ најавија дека во следниот период ќе дејствуваат како фракција. 

Четири часа по почетокот на седницата на централното претседателство на ДУИ, дел од членовите кои се познати како „огнена група“ го напуштија состанокот и најавија дека ќе функционираат како фракција во партијата.

- Разликите се големи и од организациски аспект внатре во ДУИ, но и дебатата за програмските определба, врз основа на што ја добивме и довербата од граѓаните. За жал, немаме можност од реална дебата и се користат двојни или тројни аршини во однос на одредени исти и слични прашања и затоа од денеска ние ќе имаме наши ставови бидејќи ќе дејствуваат како фракција во рамки на ДУИ – изјави актуелниот организациски секретар во ДУИ, Блерим Беџети.

- Бидејќи имаме разлики, имаме одредени различни мислења за одредени ставови, ќе имаме наше политичко дејствување оти сметаме дека министрите ја узурпирале партијата со своите одлуки. Тоа што е надлежност на партијата преминува во надлежност на членовите на Владата и тука да се разбереме не се само кадровските прашања, тоа се релевантни и значајни, зборуваме за проргамските определби на ДУИ –рече Беџети.

На новинарските прашања дали и натаму ќе бидат дел од органите на партијата, тој рече дека не се разрешени.