ОГРОМЕН ИНТЕРЕС: Граѓаните од Истокот чаре бараат во Германија
Објавено во: Економија 31 Јули, 2019
Македонците првенствено сакаат да најдат работа во Германија, доколку размислуваат за опција надвор од Македонија.
Oд 300 до 500 граѓани од Источна Македонија дневно бараат информација за работа во Германија.
Ова бројка ја соопштија иселениците кои долги години им посредуваат на нашинците во регионот на Штутгарт каде, како што вели Бошко Васев, иселеник по потекло од село Бигла, се повеќе се бара работа со македонски пасош.
„Најмногу моментално има потреба од градежници, плочкари, молери, парначи, водоинсталатери. Бидејќи има голем дефицит и нагло се гради во Германија, токму овие профили на работници се бараат во Германија“, вели Васев.
Од 1 јануари 2020 година, според Васев, се олеснува процедурата за работа во Германија, а дотогаш важи старото правило со издавање работна дозвола од Германската амбасада.