Оливер Спасовски: До 13-ти мај ќе бидат исплатени субвенциите за нето-платите

Добивај вести на Viber

Оливер СПасовски, техничкиот премиер на Македонија, објави дека до 13 мај на работодавачите погодени од ширењето на коронавирусот ќе им бидат исплатени субвенциите во висина од нето-минимална плата од 14.500 денари за месец април. Истото ќе важи и за месец мај, согласно владината уредба со законска сила која беше донесена.

„Ова се мерки кои ги помагаат сите погодени од кризата по принципот на економска солидарност и баланс на можностите. 87 отсто од компаниите се подобни да аплицираат, опфатени се 250.000 работни места. Сумата е скоро 500 евра на сметката на работодавачот доколку работник бил ангажиран за полно работно време, а со скратено време износот е сразмерен“, рече Спасовски.

Барањето работодавачот ќе го поднесува до Управата за јавни приходи, која е задолжена веднаш да ја утврди формата и содржината на образецот. Фирмата ќе треба да поднесе барање за финансиска помош најдоцна до 5-ти во месецот последователен на месецот за кој се исплатува плата. 

„Обработката на апликацијата ќе го информира барателот за вкупниот износ на финансиска поддршка. Износот согласно оваа уредба ќе се исплати до 13-ти во месецот за претходниот месец.  Меѓутоа, ќе има контрола од УЈП и Инспекторат за труд, ќе проверуваат дали се исполнети условите за оваа помош“, наведе Спасовски

Физички лица самостојна дејност донесена за април и мај. За занаетчии и вршители на самостојни дејности. Физичкото лице исплата на трансакциска сметка.

Во износ најмногу до 14,500 денари месечно. Детално ќе бидат објавени на веб-страната на Владата.