ОМИКРОН ИНФИЦИРА И ВЕЌЕ ПРЕЛЕЖАНИ: Во наредните 3-4 недели може да имаме меѓу 2.000 и 3.000 новозаразени на ден, пресметува проф. Трајковски
Објавено во: Македонија 05 Јануари, 2022
Иако Омикрон сојот
се шири со молскавична брзина, сепак за да стигне до оваа распространетост,
симулациите кажуваат дека му требале најмалку дваесетина дена, односно тој
влегол во државата десетина дена пред првиот лабораториски потврден случај во
Битола. Со заобиколување на стекнатиот имунитет, но и со отпорност кон
постоечките вакцини, омикрон сојот не само што му ги презема жртвите на делта
сојот, туку инфицира и веќе прележани и вакцнирани, коишто нормално се имуни на
делта сојот, пишува во последната анализа професорот Дејан Трајковски.
Вели дека во наредните 3-4 недели ќе има големо искачување на дневните броеви на нови случаи, особено ако има повеќе тестирања.
-Кај нас бројот на тестирања претставува ограничувачки фактор, но доколку би се тестирало повеќе, при дневна инциденца од 0,35% (колку што моментално има на пример во САД) на врвот од бранот би имале речиси 6.000 случаи дневно. Сепак, слабото тестрање кај нас ќе ни го прикаже само врвот на ледениот брег, односно можеби само 2.000-3.000 случаи на ден, пресметува професорот Трајковски.