ОМИКРОН ЌЕ ГО ДОСТИГНЕ ВРВОТ КОН КРАЈОТ НА ЈАНУАРИ: Епидемиологот Даниловски очекува за недела-две да има смртни случаи и од омикрон, за среќа помалку
Објавено во: Македонија 15 Јануари, 2022
Врвот на својата
доминација омикрон ќе ја има кон крајот на јануари и почетокот на февруари,
оценува епидемиологот проф. д-р Драган Даниловски. Сепак според неговите
анализи, бројот на новозаразени случаи со корона вирусот ќе достигне најмногу
4.500 на дневна основа.
Во изјава за Нова Македонија, професорот Даниловски вели дека реалната бројка е многу повисока.
– Колку и да изгледа драматично растот на бројките, тоа беше за очекување. Ако продолжи сегашново темпо, кое што веќе се намалува, до врвот ќе стигнеме некаде кон крајот на јануари или почетокот на февруари, со не повеќе од 4.000-4.500 регистрирани случаи на дневно ниво. Но тоа е само врв на леден брег. Реалната бројка е многукратно повисока, вели еминетниот епидемиолог.
Според него, најважен податок е бројот на лицата кои се хоспитализираат од аспект да не дојде до преголем притисок во болниците и да нема голем број починати пациенти поради компликации од вирусот.– Овој последниов бран сѐ уште се должи на делта. Тој е во опаѓање. Очекувам за недела-две да почнеме да броиме смртни случаи од омикрон, кои дефинитивно ќе бидат помалку, заклучува епидемиологот.