Омикрон останува на пластични површини околу 193,5 часа
Објавено во: Свет 25 Јануари, 2022
Јапонските научници откриле дека омикрон успева да опстане подолго на човечка кожа и на пластични површини во споредба со претходните соеви на коронавирусот.
Истражувачите откриле дека омикронот останува на пластични површини околу 193,5 часа, се вели на веб-страницата bioRxiv.
На пластичните површини, просечното време на преживување на оригиналниот сој на коронавирус било 56 часа, на алфа 191,3 часа, бета сојот 156,6 часа, гама 59,3 часа и делта 114 часа.
На примероците од човечка кожа, просечното време на преживување на коронавирусот било 8,6 часа за оригиналниот вид, 19,6 часа за алфа сојот, 19,1 часа за бета, 11 часа за гама варијантата, 16,8 часа за делта и - 21,1 часа за омикрон.
СЗО опомена дека омикрон сојот сепак е опасен и не треба да се занемарува.