Опозицијата во Франција не ги одобрува реформите на Макрон
Објавено во: Свет 26 Април, 2019
Отпор против предлозите на
францускиот претседател Емануел Макрон за продолжување на реформите. Лидери на
опозицијата и активисти на движењето "Жолти елеци" ги отфрлија неговите
нови иницијативи, пренесуваат европските медиуми.
„Предлозите на Макрон нема да помогнат на многу
пензионери, ниту на оние кои зависат од своите автомобили “ изјавил еден од
лидерите на француската опозиција Лоран Вокие. Неколку минути по изјавата на
Макрон, лидерите на опозицијата и активисти на движењето „Жолти елеци“ ги повикале
луѓето кон нови демонстрации, кои би требало да се одржуваат во текот на мај.
Државниот главен активист на "жолтите
елеци" Тиери Пол Вале изјавил дека претседателот "зборува како
командант и не разбира дека би требало да покаже скромност".
На прес-конференцијата во Елисејската палата,
Емануел Макрон ги претставил своите предлози и истакнал дека реформите не треба
да запираат, бидејќи ги исполнуваат аспирациите на Французите. Макрон предложил
и намалување на бројот на пратениците и
менување на начинот на кој тие се избираат.