Опозициската ВМРО ДПМНЕ негира дека ентериерот во Влада е премногу луксузен
Објавено во: Македонија 06 Јуни, 2017
Опозициската партија негира дека се луксузирала.
За ВМРО ДПМНЕ се лажни вестите дека дека ентериерот и реконструкцијата на владата била премногу луксузна.
„Оваа реконструкција е извршена пред повеќе од 2 години. Во овие 2 години двајцата технички министри и 3-ца технички заменици министри на СДС кои беа со право на вето, но и новинарите на СДС/Сорос безброј пати беа во истите простории. Освен дека се репрезентативно реновирани, не видовме и не чувме ниту еден друг коментар.
Зградата на владата на Република Македонија е реновирана прв пат откако е изградена. Целиот нејзин ентериер е репрезентативен како за објект од таков ранк и нема ништо луксузно.
За да ја покрие својата безидејност и неработење уште во првите денови од власта, СДС пушти делумно лажни и делумно вистинити фотографии од објектот на владата и ентериерното уредување. Манипулативни и лажни беа сликите кои се појавија во дел од медиумите дека во објектот имало позлатени чешми, тоалети. Објавуваа и слики од елитни хотели низ светот преставени како дел од ентериерот во владата.
Целото реновирање на објектот на владата беше спроведено по објавен јавен повик, јавен тендер и електронска аукција, при што е одобрена најниската понуда. СДС/Сорос преку фејк њус или лажни вести се обидува да ја излаже јавноста“, се правдаат од партијата на Никола Груевски.
Во однос на оградата која Заев најави дека ќе ја урива од ВМРО ДПМНЕ посочуваат дека е ставена заради безбедносно-терористичка заштита.